ਬਾਬਾ ਉੱਤਮ ਸਿੰਘ ਜੀ ਵੱਲੋਂ ਸਥਾਪਿਤ ਅਤੇ ਬਾਬਾ ਸੇਵਾ ਸਿੰਘ ਜੀ ਦੀ ਸਰਪ੍ਰਸਤੀ ਹੇਠ ਚੱਲ ਰਹੇ ਸ੍ਰੀ ਗੁਰੂ ਅੰਗਦ ਦੇਵ ਕਾਲਜ, ਖਡੂਰ ਸਾਹਿਬ ਦੇ ‘ਅਰਥਸ਼ਾਸਤਰ ਵਿਭਾਗ’ ਵੱਲੋਂ ਕੁਇਜ਼ ਮੁਕਾਬਲਾ ਕਰਵਾਇਆ ਗਿਆ। ਜਿਸ ਵਿੱਚ ਵੱਖ-ਵੱਖ ਵਿਭਾਗਾਂ ਦੇ ਵਿਦਿਆਰਥੀਆਂ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ। ਇਸ ਕੁਇਜ਼ ਮੁਕਾਬਲੇ ਨੂੰ ਕਰਵਾਉਂਣ ਦਾ ਮੁੱਖ ਮੰਤਵ ਅਰਥਸ਼ਾਸਤਰ ਦੇ ਖੇਤਰ ਅੰਦਰ ਹੋ ਰਹੇ ਮੁਕਾਬਲਤਨ ਇਮਤਿਹਾਨਾਂ ਬਾਰੇ ਸੂਖਮ ਜਾਣਕਾਰੀ ਮੁਹੱਈਆ ਕਰਵਾਉਂਣਾ ਸੀ। ਇਨ੍ਹਾਂ ਕੁਇਜ਼ ਮੁਕਾਬਲੇ ਵਿੱਚ ਕੁੱਲ ਪੰਜ ਟੀਮਾਂ ਨੇ ਭਾਗ ਲਿਆ ਪਰ ਇਨ੍ਹਾਂ ਵਿੱਚੋਂ ਜੇਤੂ ਰਹਿਣ ਵਾਲੀਆਂ ਟੀਮਾਂ ਦੇ ਵਿਦਿਆਰਥੀਆਂ ਵਿੱਚੋਂ ਕੋਮਲਪ੍ਰੀਤ ਕੌਰ ਕਲਾਸ ਬੀ.ਐੱਸ-ਸੀ,ਅਮਨਪ੍ਰੀਤ ਕਲਾਸ ਬੀ.ਐੱਸ-ਸੀ ਅਤੇ ਕੰਵਲਪ੍ਰੀਤ ਕੌਰ ਕਲਾਸ ਬੀ.ਐੱਸ-ਸੀ ਨੇ ਪਹਿਲਾ ਸਥਾਨ ਹਾਸਿਲ ਕੀਤੀ। ਇਸੇ ਤਰ੍ਹਾਂ ਹੈਵਨਪ੍ਰੀਤ ਕੌਰ ਕਲਾਸ ਬੀ.ਕਾਮ,ਸਹਿਜਪ੍ਰੀਤ ਕੌਰ ਕਲਾਸ ਬੀ.ਕਾਮ ਅਤੇ ਹਰਨੂਰ ਕੌਰ ਕਲਾਸ ਬੀ.ਕਾਮ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਇਸ ਦੇ ਨਾਲ-ਨਾਲ ਕੋਮਲਪ੍ਰੀਤ ਕੌਰ ਕਲਾਸ ਬੀ.ਐੱਸ-ਸੀ,ਮਨਪ੍ਰੀਤ ਕੌਰ ਕਲਾਸ ਬੀ.ਐੱਸ- ਸੀ ਅਤੇ ਕੋਮਲਪ੍ਰੀਤ ਕੌਰ ਕਲਾਸ ਬੀ.ਏ ਨੇ ਤੀਜਾ ਸਥਾਨ ਹਾਸਿਲ ਕੀਤਾ।
ਇਸ ਮੌਕੇ ਕਾਲਜ ਪ੍ਰਿੰਸੀਪਲ ਡਾ.ਬਲਵੰਤ ਸਿੰਘ ਸੰਧੂ ਜੀ ਨੇ ਜਿੱਥੇ ਜੇਤੂ ਰਹਿਣ ਵਾਲੀਆਂ ਟੀਮਾਂ ਨੂੰ ਇਨਾਮ ਤਕਸੀਮ ਕੀਤੇ ਉੱਥੇ ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਇਸ ਤਰ੍ਹਾਂ ਕੁਇਜ਼ ਮੁਕਾਬਲੇ ਸਾਨੂੰ ਕਰਵਾਉਂਦੇ ਰਹਿਣਾ ਚਾਹੀਦਾ ਹੈ। ਇਨ੍ਹਾਂ ਮੁਕਾਬਲਿਆਂ ਦਰਮਿਆਨ ਪ੍ਰਸ਼ਨ ਉੱਤਰ ਦਾ ਸਿਲਸਿਲਾ ਵਿਦਿਆਰਥੀਆਂ ਨੂੰ ਸਮਕਾਲੀ ਸਰੋਕਾਰਾਂ ਨਾਲ ਜੋੜੀ ਰੱਖਦਾ ਹੈ। ਫਿਰ ਇਹੀ ਗਿਆਨ ਸਹੀ ਦਿਸ਼ਾ ਨਿਰਦੇਸ਼ ਕਰਦਾ ਹੋਇਆ ਵਿਦਿਆਰਥੀ ਨੂੰ ਉਸਦੀ ਮੰਜ਼ਿਲ ਦਾ ਰਾਹ ਵਿਖਾਉਂਦਾ ਹੈ।
ਇਸ ਮੌਕੇ ਕਾਲਜ ਦੇ ਜਨਰਲ ਸਕੱਤਰ ਸ੍ਰ. ਹਰਨੰਦਨ ਸਿੰਘ ਜੀ ਨੇ ਇਨ੍ਹਾਂ ਯੋਗ ਕਾਰਜਾਂ ਨੂੰ ਆਯੋਜਿਤ ਕਰਨ ਤੇ ਸਬੰਧਿਤ ਅਧਿਆਪਕ ਸਾਹਿਬਾਨ ਦੀ ਖ਼ੂਬ ਸ਼ਲਾਘਾ ਕੀਤੀ।
ਇਸ ਸਮੇਂ ਪ੍ਰੋ.ਰੋਹਿਤ ਸ਼ਰਮਾ(ਵਾਇਸ ਪ੍ਰਿੰਸੀਪਲ),ਡਾ.ਜਤਿੰਦਰ ਸਿੰਘ, ਪ੍ਰੋ.ਗਗਨਪ੍ਰੀਤ ਸਿੰਘ(ਕੋਆਰਡੀਨੇਟਰ),ਪ੍ਰੋ.ਮਨਦੀਪ ਕੌਰ,ਪ੍ਰੋ.ਸਿਮਰਪ੍ਰੀਤ ਕੌਰ, ਪ੍ਰੋ.ਜਗਜੀਤ ਕੌਰ, ਪ੍ਰੋ.ਹਰਦੀਪ ਸਿੰਘ ਅਤੇ ਪ੍ਰੋ.ਹਰਦੇਵ ਸਿੰਘ ਹਾਜ਼ਰ ਸਨ।
